Aaj phir tumhari khushi yaad aa gayi
Jiske liye maine din raat koshish ki
Jiske liye meri khud ki zindagi mujhse khafa ho gayi
Zindagi ko mana bhi leta mai magar
Apne hi astitva se lad kar kaise beetta ye safar
Aaj bhi, bas yehi dua hai mann me
Tum khush raho, mile khoob khushi tumhe jeevan me
Mai nahi janta mujheme kuchh alag hai ya nahi
Mai nahi janta ki maine jo kiya wo sach tha ya nahi
Maine bas wo kiya, jo sachche pyar me karna chahiye
Maine wo kiya, jo mai khud shayad apne bare me nahi soch sakta
Aisi shakhsiyat nahi meri
Ki mai itne oonche darje tak pahuchu
Mai bas ek aam insan hu
Mai bas khushi baatna chahta hu
Tumhe kabhi na bhi pata chale agar
Raah dekhengi tumhara, meri nazar
Mujhe nahi farak padta chaahe jo bhi soche ye falak
Zameen ab bhi meri hai, aur sath rahegi mere marne tak.